Communicaziuns

La regenza conceda a l’associaziun ibW Höhere Fachschule Südostschweiz (associaziun ibW) ina contribuziun chantunala da maximal 100’000 francs per il curs da preparaziun all’examen professiunal federal «Digital Collaboration Specialist». La contribuziun vegn garantida en il rom da la lescha per la promoziun da la transfurmaziun digitala en il chantun Grischun.

Actualmain na pon vegnir inoltradas e acceptadas naginas dumondas pli a l'Uniun GRdigital cun agid dal formular online.

La Regenza ha approvà ina contribuziun dad 1,45 milliuns francs per realisar in post spezialisà per la transfurmaziun digitala dal turissem grischun. Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun.

La Regenza ha concedì ina contribuziun chantunala da maximalmain 666 131 francs a la firma Quadrin SA per il project «SmartFlow System». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs d'investiziun importan tut en tut circa 1,61 milliuns francs.

La regenza approvescha ina contribuziun da 308’305 francs per il project digital “strategia communabla – furmaziun digitala tgira”. Ella deliberescha la contribuziun en il rom da la lescha per promover la transfurmaziun digitala en il Grischun.

La Regenza ha concedì ina contribuziun chantunala da maximalmain 122 000 francs a la ZENDRA SA per il project «ALPIN QUATTRO® Digital-Twin». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs d’investiziun totals importan 293 900 francs.

La Regenza ha garantì ina contribuziun chantunala da 593 000 francs a l’uniun eSANITA per il project digital «Process d’avertura digitalisà DEP ed e modul da vaccinaziun». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs d’investiziun e da manaschi dal project importan tut en tut var 1,58 milliuns francs.

La Regenza ha concedì ina contribuziun chantunala da maximalmain 130 000 francs a l’Uniun Grischun Vacanzas per realisar il project da pilot «Profil da vacanzas Grischun». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs d’investiziun totals importan 269 494 francs.

La regenza conceda a la fundaziun Mobilita ina contribuziun chantunala da maximalmain 20’000 francs per il project digital “Introducziun sistem da calculaziun mobila app Coupon-Doppon-System”. Ella deliberescha la contribuziun en il rom da la lescha per promover la transfurmaziun digitala en il Grischun. Ils custs totals dal project importan var 50’000 francs.

La Regenza ha concedì a la Fundaziun Provediment da sanadad Engiadin’Ota (SGO) ina contribuziun chantunala da maximalmain 212 000 francs al project digital «Rinforzament dal skill-grade-mix en instituziuns da sanadad grischunas tras l’applicaziun da robotica da servetsch (SGM-GR)». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs totals dal project importan var 676 100 francs.

La Regenza ha concedì a la Fundaziun Ospital chantunal dal Grischun ina contribuziun chantunala da maximalmain 1,84 milliuns francs per il project digital «Distgargiar e segirar la qualitad da la tgira cun virtualisar cuntegns da scolaziun». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs totals da quest project importan circa 4,74 milliuns francs.

La Regenza ha concedì a la Associazione 100% (bio) Valposchiavo ina contribuziun chantunala da circa 55 000 francs per la segunda fasa dal project «Mercato Valposchiavo». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Ils custs totals da questa segunda fasa dal «Mercato Valposchiavo» importan var 294 000 francs.