Projects promovidas
Mercato Valposchiavo
En il rom dal project per il svilup regiunal (PSR) 100% (bio) Valposchiavo duai la soluziun digitala locala da distribuziun e da logistica B2B «Mercato Valposchiavo» vegnir extendida sin autras regiuns. Cun la contribuziun chantunala vegn promovì l’ulteriur svilup da questa plattafurma digitala. «Mercato Valposchiavo» pussibilitescha a l’hotellaria e gastronomia, a las butias sco er ad ulteriurs manaschis da commerzi interessads da la regiun d’empustar ils products agriculs da la Val Puschlav sin in’unica plattafurma. Il process d’empustaziun e da facturaziun ha lieu sin via digitala e la distribuziun da la rauba (logistica) vegn coordinada e realisada d’interpresas da logistica localas. Ils differents process vegnan uschia optimads e standardisads e la distribuziun dals products regiunals vegn rinforzada en la val.
Las infurmaziuns las pli impurtantas en in’egliada
- Petenta/petent: Associazione 100% (bio) Valposchiavo
- Approvà dal Chantun pls: 21 da settember 2023
- Cuts dal project total: CHF 294’000
- Contribuziun da promozione: CHF 54’884
Documents
Ils documents ch’il project metta a disposiziun per l’ulteriur diever vegnan archivads qua.
- Actualisaziun dal project matg 2026:
Il project persequitescha la finamira da sviluppar vinavant la soluziun digitala B2B da vendita e logistica «Mercato Valposchiavo» e dad extender ses diever ultra la regiun da la Valposchiavo. Uschia duain ils process da ordinaziun, facturaziun e logistica per products agriculs regiunals vegnir digitalisads, standardisads e concepids pli efficaziamain. La plattafurma è vegnida sviluppada en il rom dal project da svilup regiunal (PSR) «100% (bio) Valposchiavo» ed introducida cun success cun il sustegn da GRdigital. Ella permetta a manaschis d'hotellaria, da gastronomia e da commerzi dad ordinar products regiunals a moda centrala e digitala. La distribuziun da la rauba vegn coordinada da interpresas da logistica localas. En il rom d'in «project QuNaV» sustegnì da l'Uffizi federal d'agricultura (UFAG) è vegnì examinà il potenzial per in diever naziunal. Qua è sa mussà ch'ultra da la soluziun tecnica ston era vegnir scleridas dumondas da governanza. Per quest intent ha l'associaziun «100% Valposchiavo», ensemen cun organisaziuns partenarias da differentas regiuns, tranter auter graubündenVIVA, fundà l'associaziun «direct.ch». - Contribuziun dal Play da RSI “Il Quotidiano” davart il martgà da Valposchiavo
Dumondas
Sche ti has dumondas, pos ti scriver ad info@grdigital.digital.