Communicaziuns 11.09.2025

Project digital duai promover la furmaziun en la transfurmaziun digitala

Ein Mann und eine Frau bedienen gemeinsam einen 3D-Drucker in einem modernen Bildungsumfeld. Das Bild vermittelt praxisnahes Lernen im digitalen Wandel.

La Regenza ha concedì a la Scola auta da pedagogia dal Grischun (SAPGR) ina contribuziun chantunala da maximalmain 540 000 francs per il program da furmaziun supplementara «CAS Furmaziun en la transfurmaziun digitala» per ils onns da studi 2026/2027 fin 2030/2031. Questa contribuziun ha ella deliberà en il rom da la Lescha davart la promoziun da la transfurmaziun digitala en il Grischun. Ils custs totals da quest project èn budgetads cun 1,9 milliuns francs.

Cun la furmaziun supplementara «Certificate of Advanced Studies (CAS) Furmaziun en la transfurmaziun digitala» vul la SAPGR pussibilitar a las persunas d'instrucziun da s'avischinar pass per pass a las novas tecnologias. En la furmaziun supplementara vegnan mussadas novas furmas da pensar il mund d'instruir e d'emprender. Per cuvrir il vast champ dal svilup digital pon las participantas ed ils participants metter ensemen in program individual en il CAS. Purschids vegnan quatter profils e pli ch'ina dunsaina temas d'approfundaziun. Sco basa sa decidan ellas ed els per in dals quatter profils «Medias e digitalitad», «Mint e making», «Support ICT pedagogic» u «Programmar».

Informazioni aggiornate sul progetto

Contatto per ulteriori informazioni:

Marcel Meyer
Direttore GRdigital
T +41 81 250 69 11
marcel@grdigital.digital