Careers & Beers – Focus Talks: La transfurmaziun digitala entschaiva en il chau

• Tema: La digitalisaziun è in process cultural e da midada – betg be tecnica
• Guest: Marcel Meyer, manader general da GRdigital
• Datum e temp: Gievgia, ils 02.10.2025, 18:00 – 19:30
• Lieu: anc da definir (tbd)
• Custs: Gratuit, las bavrondas vegnan pajadas da mintgin sez

Sch’ans discurrin da digitalisaziun, pensain nus savens a novs tools ed a tecnologias. Ma il ver midament capita tar las persunas – en lur tenuta, en la collavuraziun ed en la cultura. La digitalisaziun è in process da midada che po reussir be, sche las collavuraturas ed ils collavuraturs vegnan integrads.

Perquai ston er persunas cun funcziun da manar repensar lur rolla. Collavuraturas e collavuraturs vulan contribuir ed entscheiver da chapir, tge che stat en il center. Per che quai funcziuna, dovri ina visiun clera ed ina chapientscha communabla per il senn dal midament. Ina communicaziun sin livel d’egualitad, la voluntad d’emprender communablamain ed il curaschi da laschar era sbagls èn facturs centrals per il success.

Ensemen cun Marcel Meyer da GRdigital discurrin nus da quai ch’i dovra per far che novs tools digitals na vegnan betg be introducids en il mintgadi professiunal, mabain er duvrads cun valur agiuntada.

La nova seria d’occurrenzas «Careers & Beers – Focus Talk» porscha l’occasiun da discuter communablamain davart temas actuals cun in drink da saira. Envidads èn studentas e students, collavuraturas e collavuraturs da la FH Grischun, anteriuras ed anteriurs studentas e students sco er amias ed amis da GRdigital.