vergangene Veranstaltungen 06.05.2026
Uniun grischuna da mastergn
Las novitads las pli impurtantas
- Datum: 6. matg 2026
- Lieu: GKB-Auditorium, Engadinstrasse 25, 7000 Cuira
- Temp: 13:30 - 17:15 uras
- Gruppa en mira: acturas ed acturs da la furmaziun professiunala – en spezial manaschis da furmaziun, instituziuns da furmaziun, persunas responsablas per la furmaziun ed emprendists – che vulan sa confruntar cun la transformaziun digitala e l’IA en la furmaziun professiunala.
- Custs: gratuit
Descripziun
La midada tecnologica mida fitg spert il mund da lavur e da professiun. Tecnologias digitalas ed en spezial l’intelligenza artifiziala influenzeschan adina dapli activitads professiunalas, profils da qualificaziun sco er process d’emprender ed instruir en la furmaziun professiunala. Manaschis da furmaziun, instituziuns da furmaziun ed emprendists stattan uschia avant novas pretensiuns, dentant er avant numerusas schanzas.
La dietga spezialisada da la furmaziun professiunala 2026 reprenda quests svilups e metta la transformaziun digitala e la midada tecnologica en la furmaziun professiunala en il center. En il focus stattan ils effects sin professiuns e sin il mund da lavur, l’applicaziun concreta d’utensils digitals e da l’IA en manaschis da furmaziun e scolas sco er la dumonda, co ch’emprendists pon vegnir accumpagnads a moda responsabla e preparads per il futur digital. Ultra da duas keynotes vegnan preschentads exempels da pratica ord manaschis da furmaziun ed instituziuns da furmaziun. Ultra da quai vegnan illustradas las schanzas e sfidas da la transformaziun digitala ed i vegnan manadas conversaziuns cun persunas directamain involvidas.
En il center da la tschintgavla dietga spezialisada da la furmaziun professiunala stat puspè il barat d’experientschas e la colliaziun tranter ils differents acturs da la furmaziun professiunala. Er emprendists vegnan a prender la parola. L’occurrenza vegn organisada sco ils onns passads da l’Uniun grischuna d’artisanadi e mastergn e moderada da Melanie Salis. La tschintgavla dietga spezialisada da la furmaziun professiunala ha lieu mesemna, ils 6 da matg 2026, da las 13.30 fin las 17.15 en il GKB-Auditorium a Cuira.
Program
Introducziun
- Actualitads ord la furmaziun professiunala (Maurus Blumenthal, Uniun grischuna d’artisanadi e mastergn)
- Avertura (Curdin Tuor, Uffizi per la furmaziun professiunala)
- «Conversaziun cun in victur da medaglia da SwissSkills 2025»
Bloc I: Midada dal mund da professiun tras la midada tecnologica
- Referat «Transformaziun digitala e midada tecnologica en la furmaziun professiunala» (Lena Dändliker, ETH Zürich)
- Conversaziun «midada tecnologica e furmaziun professiunala» (Sarah Romanens, ibW Höhere Fachschule Südostschweiz e Lena Dändliker, ETH Zürich)
- Exempel da pratica «Digital Business – ina nova professiun per la transformaziun digitala»
- Conversaziun «Introducziun d’in utensil per l’accumpagnament da la furmaziun» (Sandra Bosch, OdA Sanadad e Fatgs socials Grischun e Bernadette Felix, Spital Davos AG)
- Conversaziun «Applicaziun da l’IA en il manaschi da furmaziun»
Pausa
Bloc II: Schanzas e sfidas da la transformaziun digitala
- Referat: «Diever responsabel – co po in manaschi da furmaziun accumpagnar emprendists tras ils privels dal mund digital» (Sibylle Schmuki, MEDIENSCHUTZ)
- Conversaziun cun dus emprendists davart las sfidas en il mund digital
- Exempel da pratica «Rapport d’emprender en temps da l’IA»
- Exempel da pratica «Emprender e examinar cun l’IA»
- Perspectivas
Aperitiv da networking
Suenter il program ha lieu in aperitiv da networking.
Ils referents ed ils giasts da conversaziun dal program vegnan actualisads cuntinuadamain.
Kontakt
Uniun grischuna da mastergn