vergangene Veranstaltungen 03.06.2025
KI-Meetup Grischun nr. 4
Il KI-Meetup va en la quarta runda! Glindesdi, ils 3 da zercladur 2025, ans entaupan nus a Cuira en il restaurant VA BENE (Lounge) per discutar davart cas d’applicaziun concrets. Sco referent pudain nus beneventar Thomas Bissegger, manader dal program HFd da la EHL Swiss School of Tourism and Hospitality (SSTH). Nus essan curius sin sia referenza davart l’IA sco disciplina en l’interpresa.
L’eveniment è organisà da Markenkern AG e Code Crush GmbH e ha l’intent da porscher ina plattafurma dinamica per il barat d’ideas, experientschas e vischiuns enturn il tema intelligenza artifiziala. Durant l’inscunter spetga in’energia cun in curt referat d’introducziun ed enritgantas runda da discussiun che inspiran e d’avran novas perspectivas.
Il KI-Meetup GR è ina buna chaschun da sa colliar cun persunas cun interess sumegliants, da menar discurs inspirants e d’explorar potenzialas cooperaziuns. N’emporta betg sch’ins vul ir profund en ils aspects tecnics u discutar las consequenzas socialas pli vastas da l’IA – qua chattais Vus persunas sin la medema lingia.
Tge che spetga Vus:
- Referat inspirant ed exemples reals d’applicaziun da l’IA en la vita quotidiana.
- Rundas da discussiun interactivas: spartegi Vossas ideas e discuti trends ed sfidas actualas en il mund da l’IA.
- Colliai contacts impurtants ed engrondai Vossa rait professiunala en in’atmosfera averta e simpatica.
As interessais per l’eveniment e vulais emprender dapli davart l’IA e participar a discussiuns fascinantas? Annunziai-Vus ussa! Il dumber da participantas e participants è limità sin 30 persunas.
Per cuvrir ils custs da basa vegn resguardada ina taxa da CHF 30.–.
Ans legrain sin il meetup!