Formaziun cuntinuada «Cyber Security»

Temas fundamentals sco la segirezza da datas, apparats e raits vegnan declerads cun blers exempels divertents. Cun agid dad exercizis pratics e orientads a l’applicaziun acquistan ils participants betg mo enconuschientschas, mabain er la capacitad d’utilisar questas effectivamain en la vita privata ed en il mintgadi professiunal.

Ultra da quai mussa l’unitad d’informatica da la Scola auta spezialisada dal Grischun ensemen cun ina experta da segirezza da SWITCH-CERT, co che pudess capitar ina attatga cibernetica (artitgel da InsideIT «Ina sporta da sport salva ina scola auta da ransomware») e tge rolla che tut las partidas participadas giogan en quest connex.

Cuntegns

• Input cuminaivel SWITCH-CERT & FHGR: incident fictiv (attatga cibernetica e defensiun)
• Input davart cumpetenzas da segirezza da SWITCH-CERT: las datas èn da gronda valur (criminalitad cibernetica, medias socialas e social engineering), proteger ils apparats ed uschia l’access a las datas (pled-clav ed autentificaziun, segirezza da devices mobils), internet e rait per in traffic da datas segir (utilisaziun d’internet ed e-mail, attatgas da phishing, lavur a distanza)

Public en mira & metodica

• Public en mira: collavuraturs e collavuraturas da la FH Grischun
• Metodica: scolaziun da sensibilisaziun, exercizis, referat d’invitada / d’invità

Participaziun & custs dal curs

• Termin d’annunzia è ils 6 da zercladur 2025
• Ils custs vegnan surpigliads cumplettamain da la FH Grischun.

Detagls

Mardi, ils 10.06.2025
13:00 - 17:00 uras

Lieu da la occurrenza:
Scola auta spezialisada dal Grischun
Pulvermühlestrasse 57
7000 Cuira