Herby – l’app da correctura dal Grischun

«Herby» è in’app da correctura che facilita tant a las persunas d’instrucziun sco er a las scolaras ed als scolars la correctura da fegls da lavur scrits a maun. L’algoritmus inditgescha la correctura sin il fegl fotografà entaifer paucs secunds, e la persuna d’instrucziun po survegnir in maletg dals progress d’emprender en in dashboard. Quest process pussibilitescha da spargnar resursas tar la correctura e d’investir il temp gudagnà en sustegn e promoziun individuala da las scolaras ed ils scolars. Las iniziantas ed ils iniziants oriunds dal Grischun han sviluppà Herby a partir d’in project da perscrutaziun da la Scola auta da Son Gagl e da l’Universitad da Berkeley en California. Il project vegn sustegnì cun in import maximal da CHF 450’000 dals proxims trais onns tras il chantun.

Infurmaziuns las pli impurtantas en survista

• Proponent: Pelican GmbH
• Infurmaziuns da contact: Andrin Pelican (andrin@herby-web.ch)
• Approvà dal chantun ils: 30 d’avust 2022
• Custs dal project: CHF 1’404’100
• Import dal sustegn: CHF 450’000

Documents

Ils documents che il project metta a disposiziun per reutilisaziun libra vegnan arcunads qua.

• Artitgel Posta Ladina dals 08.02.2025: Correcturas digitalas cun Herby
• Artitgel Swiss Edtech Collider d’avrigl 2024: Herby – Correctura en paucas secundas
• Actualisaziun da Herby dals 15 da december 2023: «Dapi l’entschatta dal project è capità bler tar Herby. Nus avain engrondì il circul d’utilisaders per nossa app da correctura en il Grischun ed integrà permanentamain ils resuns da las persunalas d’instrucziun en il svilup cuntinuant. Adina dapli cudeschs da matematica da la scolina primara pon ussa vegnir curregids digitalmain. Nus avain er resguardà las variantas rumantschas e las testà en scolas en Engiadina. Noss agen material d’instrucziun cumpara per l’onn da scola 2024/25 tar la chasa editura Ingold. Quel è vegnì preschentà dacurt al congress annual dals directurs da scolas svizzers sco er a la fiera da furmaziun SwissDidac. Er en dumondas da protecziun da datas essan nus stads activs: nossa app è vegnida analysada da l’Innovation-Sandbox e l’EdTech Collider ed essan en stretg contact cun l’agenzia federala Educa.»
• Artitgel Pöschtli dals 10.11.2022: Gist u fallà? Dus giuvens dal Domleschg han inizià l’app da correctura Herby
• Artitgel da la Handelszeitung dals 21.04.2022: Herby: quest start-up sviluppa in’app da correctura per scolaras e scolars
• Artitgel Bündner Woche dals 05.01.2022: Emprender matematica cun in pelican

Videos

• Herby Rechentraining
• Herby Engiadina –l'assistent digital da corrextura
• Swiss Youth and Future Prize
• Herby Photocheck
• Chasa editura Klett: Autocorrectura per scolaras e scolars – Verificaziun da soluziuns cun HERBY
• Chasas edituras Klett: Instruir englais cun IA: Preparaziun digitala da lecziuns
• Rokus Klett: PResentaziun // Herby
• Kinderlabor

Dumondas

Per dumondas pos ti sa drizzar a info@grdigital.digital.

GRdigital Podcast

En il podcast declera Andrin, fundatur da Herby, tge ch’il project Herby cumpiglia, tge sfidas ch’i ha dà ed anc dapli. Guarda il vlog u tadla en il podcast!

Ti chattas il GRdigital Podcast sin Youtube, Spotify, Apple Podcasts e Google Podcasts.