Occurrenzas 01.-04.07.2026
Davos Tech Summit 2026
Las novitads las pli impurtantas
- Data: mesemna, ils 1. da fanadur 2026 fin sonda, ils 4. da fanadur 2026
- Lieu: Center da congress Davos, Promenade 67 / Talstrasse 49A, 7270 Davos Platz
- Tema: Touching Intelligence / Physical AI e robotica
- Program: congress ed expo, Robot City, expert sessions, gala dinner, shows sco er Family Day la sonda
- Side event da GRdigital: GRdigital è preschent ils 2 da fanadur 2026 sin il lieu ed accumpogna il Davos Tech Summit cun circa 3 fin 4 podcasts, che vegnan registrads directamain sin il lieu sur l’entira di.
- Organisaziun: Davos Tech Summit / Center da congress Davos
Descripziun
Il Davos Tech Summit 2026 sa deditgescha als pli novs svilups en il champ da la Physical AI e da la robotica. En il center stattan progress tecnologics, potenzials economics sco er dumondas socialas ed eticas en connex cun l’utilisaziun da maschinas intelligenta. L’occurrenza sa chapeschcha sco ina plattafurma internaziunala per barat, networking e debattas davart il futur.
Durant quatter dis s’inscuntran a Tavau expertas ed experts da la retschertga, da l’economia, da la tecnologia e da la politica. Il program cumpiglia formats da conferenza, in’expo, sesziuns tematicas sco er experientschas interactivas enturn robotica ed intelligenza artifiziala. Visitadras e visitaders survegnan invistas en svilups actuals e en champs d’applicaziun concrets da robots en la vita quotidiana, en l’industria e en spazis publics.
In element spezial è la «Robot City», che transfurma Tavau temporarmain en in champ d’emprova viv. Là pon participants experimentar robots en scenaris realistics ed en differents champs d’applicaziun. Il program vegn cumplettà cun expert sessions, pussaivladads da networking, in gala dinner sco er in Family Day public la sonda.
GRdigital accumpogna l’occurrenza ils 2 da fanadur 2026 supplementarmain cun in agen side event: previs èn circa trais fin quatter podcasts, che vegnan registrads directamain sin il lieu durant l’entira di.
Cun il Davos Tech Summit duai vegnir etablida a partir dal 2026 ina plattafurma internaziunala annuala che rinforza Tavau, il Grischun e la Svizra sco lieu impurtant per tecnologias dal futur, retschertga ed innovaziun.
Ulteriuras novitads
Ulteriuras novitads davart questa occurrenza chattas ti qua.
Kontakt
Davos Tech Summit