Occurrenzas 24.10.2026
digidi 2026
Apps, vocabularis, programs da translaziun: Il rumantsch - e ses diever - vegnan influenzads dal mund digital. In mund che sa mida permanentamain. Al digidi 2026 ans inscuntrain nus per la terza giada per discutar la transfurmaziun digitala rumantscha - in'occurrenza deditgada a la digitalisaziun ed a nossa lingua, per in e scadin.
Las infurmaziuns pli impurtantas
- Data: sonda, ils 24 d'october 2026
- Ura: 09.00 – 17.00
- Lieu: Scola chantunala grischuna, Via d'Arosa 2, 7000 Cuira
- Lingua: rumantsch
Descripziun
Tge visiuns e basegns has ti areguard la transfurmaziun digitala rumantscha? Per discutar tias ed autras dumondas ans inscuntrain nus per la terza giada tar il digidi - in'occurrenza deditgada a la digitalisaziun ed a nossa lingua e per in e scadina.
Nus avain temas da tuttas sorts:
- Ina gruppa independenta ha cumenzà a reactivar la vichipedia rumantscha ed arriva al digidi per parter experientschas e mussar co esser part da quest project.
- L'Universitad da Turitg sviluppa ensemen cun la Lia Rumantscha e RTR in program da computer che sa discurrer rumantsch. Durant il digidi mussain in emprim prototip.
- Il project IdiomVoice da la Scola Auta Spezialisada dal Grischun (FHGR) ha creà in chatbot sursilvan a basa d'intelligenza artifiziala. La finamira da quest chatbot è da gidar ad emprender rumantsch, però el po anc dapli. Las manadras dal project mussan tge ch'il nov chatbot po far e vulan rimnar ideas e propostas per duvrar quest gidanter digital.
- ALAS, la translaziun automatica da la Lia Rumantscha, è online dapi ils 28-4. I vegn anc lavurà vinavant per implementar novas funcziuns e schlargiar la gruppa en mira. Durant il digidi raquinta la Lia dapli davart ils novs svilups dad ALAS ed auters projects sco in program che po leger texts rumantschs ord da fotografias (OCR/HTR), Apertus, euv.
- In sviluppader da software da la Svizra tudestga arriva al digidi cun la finamira d'adattar il gieu da computer „Age of Empires" ed integrar il rumantsch en quest gieu. El tschertga rumantsch:as che vulan gidar el cun registrar audios en nossa lingua.
E ti pos anc proponer ina gruppa da lavur ubain ina discussiun. Ti na stos betg esser expert:a en digitalisaziun! Sche ti has dumondas, pos ta drizzar a la Lia Rumantscha.
Program
- 09.00: café e stortins
- 09.30: bainvegni ed introducziun
- 10.30: gruppas da lavur
- 12.15: gentar offert
- 13.45: gruppas da lavur
- 16.00: resumaziun e finiziun
- 17.00: apero
Ulteriuras infurmaziuns
Dapli davart il tema chattas ti qua.
Kontakt
Lia Rumantscha
Via da la Plessur 47, 7000 Chur